tramp: saylamda baydin ghelibe qilsa, amérikaliqlar xitayche öginishke mejbur bolidu
amérika pirézidénti donald tramp, 3 – noyabirda ötküzülidighan saylamda démokrat reqibi jo baydin ghelibe qilghan teqdirde, xelqning xitayche öginishke mejbur bolup qélish mumkinchiliki barliqini éytti.
türkiye awazi radiyosi xewiri: donald tramp bir radiyo söhbet pirogrammisida, démokrat reqibi jo baydinning xitaygha tutuwatqan pozitsiyesini eyiblep, «saylamda men ghelibe qilalmisam, xitay, amérika qoshma ishtatlirining sahibi bolidu. arqidin amérikaliqlar xitayche sözlishishni öginishke mejbur bolup qalidu» dédi.
yuqum otturigha chiqishtin ilgiri özining xitay dölet reisi shi jinping bilen bolghan munasiwitining yaxshi ikenlikini eskertken tramp, «bizning nöwettiki munasiwitimiz bek yaxshi emes, chünki (ular) kowid – 19 mesiliside tégishlik ishni qilmidi» dédi.
shi jinping bilen uzundin buyan körüshmigenlikini tekitligen tramp, xitayda otturigha chiqqan wirusning özining siyasiy pozitsiyesigimu tesir körsetkenlikini tekitlep, «xitay wabasi (kowid – 19) bizning dölitimizge kélishtin burun méningche jorj washingtonmu saylamda méni yéngishte qiynalghan bolatti» dégenlerni sözlirige ilawe qildi.
