amérikada oxayo awam palatasining reisi nazaretke élindi
amérika jumhuriyetchiler partiyesi ezasi shundaqla oxayo awam palatasining reisi larri hawsholdér ishtattiki ikki yadro éléktr istansisining qutquzush yardimige fond ayrishqa alaqidar délo dairiside nazaretke élindi.
türkiye awazi radiyosi xewiri: amérika fédératsiye tekshürüsh idarisi (FBI) teripidin élip bérilghan tekshürüshte, mupettish dawid m.déwillérs hawsholdér bilen sabiq jumhuriyetchiler partiyesi ishtatliq komitét bashliqinimu öz ichige alghan 3 kishini éléktr istansisigha yardem bérish bedilige 60 milyon dollar para élish bilen eyiblidi.
déwillér hawsholdérning bupulni 2018 - yilliq ottura mezgillik saylamda saylam seperwerlikige ishletkenlikini, saylinip bolghandin kéyin, palata reislikini qollaydighan 21 awam palatasi ezasining saylam seperwerlikini qollash üchünmu ishletkenlikini ilgiri sürdi.
mezkur 21 awam palata ezasining ismi mupettishler muzakiriside tilgha élinmidi. déwillér tekshürüshning dawamlishidighanliqini éytti.
hawsholdér qolgha élinghandin kéyin, ishtatning jumhuriyetchil waliysi mayk déwin muawin waliy jon xustéd, bash teptish dawé yost, jumhuriyetchiler partiyesi ishtatliq komitétining reisi jeyn timkén we jumhuriyetchiler partiyesining bashqa siyasionliri istipa bérishke chaqiriq qilindi.
jumhuriyetchiler partiyesi kéngesh palatasi we awam palatasida köp sanliqni igileydighan oxayo ishtati, amérika pirézidénti donald trampning 2016 - yildiki pirézidéntliq saylimida ghelbe qilishini ishqa ashurghan halqiliq ishtatlarning birsi hésablinidu.
