сәрраҗ хәлқара җинайи ишлар мәһкимисидин ливийәгә тәкшүрүш һәйити әвәтишни тәләп қилди

түркийә авази радийоси хәвири: ливийә баш министири файиз сәрраҗ, хәлқара җинайи ишлар сот мәһкимисидин, ливийәниң шәрқидики қанунсиз қораллиқ күчләрниң лидери хәлифә һафтәргә қарашлиқ қораллиқлар садир қилған җинайәтләрни тәкшүрүш үчүн дәрһал һәйәт әвәтишни тәләп қилди.

ливийә ташқи ишлар министирлиқи байанатчиси муһәммәд қәблавиниң тивиттер адресида елан қилған байанатиға қариғанда, сәрраҗ, хәлқара җинайи ишлар сот мәһкимисини һафтәр қораллиқлири садир қилған җинайәтләрни тәкшүрүш үчүн һәйәт әвәтишкә чақирған.

әвәтилидиған һәйәткә һәрҗәһәттин йардәмчи болидиғанлиқини билдүргән сәрраҗ, садир қилинған җинайәтләрниң җазасиз қелишиниң һафтәр қораллиқлириға руанда вә боснийә- гертсеговинадики қирғинчилиқ шундақла натсистлар садир қилған җинайәтләрдин буйанқи мисли көрүлмигән җинайәтләрни садир қилишиға илһам бәргәнликини әскәрткән.

байанатқа қариғанда, сәрраҗ, һафтәр қораллиқлириниң пуқраларға, пуқрави айродурумларға, көчмәнләр туруватқан панаһлиниш орунлириға һуҗум қилғанлиқини вә парламент әзаси сиһам сәрғиваниң бинғазидики өйидин гөрүгә елип қечилишини уруш җинайити вә вә инсанийәткә қарши садир қилинған җинайәт дәп баһа бәргән.

һафтәр күчлири ийул ейидин буйан парламент әзаси сәрғивани намәлум бир йәрдә тутуп турмақта.

хәлқара җинайи ишлар сот мәһкимиси баш тәптиши фато бенсуда, 22 – ийунда ливийәдин тепилған коллектип мазаларниң «уруш җинайити» йаки «инсанийәткә қарши садир қилинған җинайәтләр» гә пакит болуш еһтимали барлиқини билдүргәниди.

б д т ливийәгә йардәм бериш идариси 24 – ийунда йазма байанат елан қилип, ливийәдики вәқәләрни тәкшүрүш үчүн б д т кишилик һоқуқ кеңиши қармиқида ливийә хәлқара тәкшүрүш комитетиниң қурулғанлиқини уқтурғаниди.