һәсән руһани б д т хәвпсизлик кеңишиниң қорал ембаргоси үстидә тохталди
иран президенти һәсән руһани бирләшкән дөләтләр тәшкилати хәвпсизлик кеңишиниң иранға қаратқан хәлқара қорал ембаргоси өктәбир ейида ахирилишидиғанлиқини вә буниң йадро келишиминиң нәтиҗиси икәнликини ейтти.
түркийә авази радийоси хәвири: иран президенти һәсән руһани пайтәхт теһрандики министирлар кеңишиниң йиғинидин кейин, елан қилған байанатида б д т хәвпсизлик кеңиши вә хәлқара атом енергийәси оргиниға әза дөләтләрдин америка сийаситигә қарши турушни тәләп қилип: «өктәбирдә қорал ембаргосиниң ахирлишиши йадро келишиминиң муһим нәтиҗисидур. барлиқ дөләтләрниң бу суйиқәстни тонуп йетишини вә американиң пиланини чүшинишини үмид қилимән. башқа чоң дөләтләр американиң бу нәтиҗисини сүрүштүрсә, бизниң қарши инкасимизниң қандақ болидиғанлиқини билиду » деди.
руһани қорал ембаргосини әмәлдин қалдуруш мәсилисидә америкиға қарши мувәппәқийәт қазинидиғанлиқини вә американиң иран пиланини йоққа чиқиридиғанлиқини илгири сүрүп, «америка йәнә хәлқара пул фонди тәшкилати (IMF) дин 5 милйард долларлиқ қәрз тәлипимизни бузушқа тиришиватиду. бу органнииң американиң бесимлириға бойун әгмәсликини вә барлиқ дөләтләр билән болған әһдинамилиригә әмәл қилишини үмит қилимән» деди.
