бурунди пирезиденти пиерре нкурунзиза вапат болди
бурунди пирезиденти пиерре нкурунзиза туйуқсизла йүрәк санҗиқи қозғилип қелип бу дунйа билән видалашти.
түркийә авази радийоси хәвири: бурунди һөкүмити байанат берип, бу йил 55 йашқа киргән пирезидент пиерре нкурунзизаниң шәнбә күни валибол ойниғандин кейин кечиси саламәтлики начарлишип дохтурханида балнистқа елинғанлиқини, йәкшәнбә күни саламәтлики хелила йахшилинип қалған болсиму, түнүгүн бирдинла йүрәк санҗиқи қозғилип кетип, дохтурларниң барлиқ тиришчанлиқлири үнүм бәрмәй бу дунйа билән видалашқанлиқини уқтурди.
пиерре нкурунзизаниң аилә – тавабиатлириға вә пүткүл бурунди хәлқигә тәзийә билдүрүлгән байанатида, 7 күнлүк матәм елан қилинғанлиқи, бу җәрйанда байрақларниң йерим чүшүрүлидиғанлиқи қәйт қилинди.
пирезидент пиерре нкурунзиза, 2005 – йилидин буйан давамлаштуруватқан пирезидентлиқ вәзиписини 2020 – йили авғустта, май ейида өткүзүлгән сайламда ғәлибә қилған өз партийәсиниң намзати, йеқин дости генерал еварисе ндайишимийеға өткүзүп беришкә тәййарлинивататти.
