хоңкоң валийси хитайниң «дөләт бихәтәрлик қануни» ға қарши иш ташлаш чақириқи үстидә тохталди
хитайниң хоңкоң валийси кәрий лам кишиләрниң муқим вә тинч бир муһит тәләп қилидиғанлиқини билдүрүп: «хоңкоң қалаймиқан бир муһитқа бәрдашлиқ берәлмәйду» деди.
түркийә авази радийоси хәвири: хоңкоң радийо – телевизийә истансиси (RTHK) ниң хәвәр қилишичә, кәрий лам һәптилик кабинет йиғининиң ечилишида, райондики иш ташлаш намайиши һәққидики хәвәрләр вә намайишлар һәққидә мәхсус тохтилип, бәзи гуруппиларниң «дөләт бихәтәрлик қануни» ға қарши омумиййүзлүк иш ташлаш чақириқи сәвәбидин нурғун кишиләр күндилик турмушта қийинчилиққа дуч кәлди вә хизмитидин айрилип қалди. бундақ бир вәзийәттә хоңкоңда иш ташлаш қарши елинмайду дәп ойлаймән» деди.
лам җинайәт гумандарлирини хитайға өткүзүп бериш қанун лайиһисигә қарши елип берилған кәң көләмлик намайишларниң хатирә күнигә удул кәлгән нутиқида йәнә: «хоңкоңдики һәммә адәм бултур пүтүн йил бойичә дуч кәлгән көрүнүшләрдин савақ елиши лазим, кишиләр шуни билиши керәкки, хоңкоң қалаймиқан вәзийәткә бәрдашлиқ берәлмәйду, тинч вә муқим муһитқа моһтаҗ» деди.
хоңкоңда өткән йили 9 - ийунда бир милйонға йеқин намайишчи кочиларға чиқип, җинайәт гумандарлирини хитайға өткүзүп бериш қанун лайиһәсигә қарши наразилиқ билдүргән иди.
районда нәччә айғичә давамлашқан намайиштин кейин, йәрлик һөкүмәт өткән йили 23 – өктәбирдә мәзкур қанун лайиһәсини қайтурувалған иди.
