салвадор вә гватемалада аманда борини сәвәбидин аз дегәндә 17 киши қаза қилди
аманда борини кәлтүрүп чиқарған кәлкүн вә тағ гүмүрүлүп чүшүш вәқәси салвадорда 15 вә гватемалада 2 кишиниң җениға замин болди.
түркийә авази радийоси хәвири: салвадор ички ишлар министири марийо дуран боран сәвәбидин дөләттә 7 кишиниң йоқап кәткәнликини елан қилди.
марийо дуран тәхминән 7000 кишиниң бәлгиләнгән 154 панаһлиниш орниға орунлаштурулғанлиқини, бир йиллиқ нормал һөл-йеғин миқдариниң төттин бир қисминиң 70 саәт ичидила йеғип болғанлиқини ейтти.
даириләр һәддидин зийадә һөл-йеғин сәвәб болған кәлкүн вә тағ гүмүрүлүп чүшүш вәқәлиридә аз дегәндә 900 өйниң вәйран болғанлиқини билдүрди.
гватемала дөләтлик апәтни башқуруш оргининиң байанатчиси давид де леон боран сәвәбидин өйи йиқилип чүшкән 9 йашлиқ бир бала билән бир кишиниң дәрйа сүйидә еқип тунҗуқуп өлгәнликини ейтти.
һәр икки дөләттә боранниң тәсиригә учриған бир қанчә олтурақ район еғир зийанға учриди.
мексикадиму кампәчә иштатидин веракруз портиғичә боран агаһландуруши елан қилинди.
