сәуди әрәбистанда буниңдин кейин өсмүрләр өлүм җазасиға һөкүм қилинмайду
сәуди әрәбистанда қурамиға йәтмигәнләрниң җинайити үчүн өлүм җазаси бериш рәсмий әмәлдин қалдурулди.
1406244
түркийә авази радийоси хәвири: сәуди әрәбистан кишилик һоқуқ комитети тивиттер һесабида елан қилған байанатида, йеңидин елан қилинған хан җәмәти пәрманиға бинаән қурамиға йәтмигәнләрниң җинайити үчүн өлүм җазаси беришниң рәсмий бикар қилинғанлиқи уқтурулди.
сәуди әрәбистан кишилик һоқуқ комитети башлиқи аввад бин салиһ әл аввад, «йеңи пәрманға бинаән қурамиға йәтмигәнләр өткүзгән җинайити үчүн өлүм җазасиға һөкүм қилинған тәқдирдиму, өлүм җазаси иҗра қилинмайду, бәлки 10 йиллиқ қамақ җазасиға һөкүм қилиниду» деди.
сәуди әрәбистанда илгири садир қилинған бир қисим җинайәтләр үчүн қамча җазаси бериш бикар қилинған вә униң орниға түрмә җазаси бериш йолға қойулған иди.
