б д т: бу йил йүз миңларчә бала өлүп кетиши мумкин

түркийә авази радийоси хәвири: гутереш, «вухән вируси» ниң балиларға көрситиватқан тәсиригә алақидар доклатида, дунйаниң һәрқайси җайлирида балиларниң дегүдәк мәктәпкә баралмайватқанлиқини, гәрчә бир қисим мәктәпләрдә йирақ мусапилик маарип йолға қойулуватқан болсиму, лекин буниңдин пүткүл балиларниң бәһримән болалмайватқанлиқини әскәртиш билән бир вақитта, 310 милйон оқуғучиниң, йәни дунйадики оқуғучилар нопусиниң тәхминән йериминиң, күндилик системилиқ узуқлиниш мәнбәсигә еришиш үчүн мәктәпләргә бәл бағлайдиғанлиқини, «вухән вируси» оттуриға чиқиштин бурунму көплигән балиларниң қобул қилишқа болмиғудәк дәриҗидә озуқлуқ йетишмәслик вә өсүшниң арқида қелишидәк хирисқа дуч кәлгәнликини тәкитләп мундақ деди: «буниңдин башқа йәнә, балилар карантин астида аилә ичи зораванлиқ, суйиистемал қилиништәк хәвпләргә дуч келиватиду. аилиләрни, қиз балиларниң мәктәптин чекиниш вә балдур һамилидар болуш еһтималлиқиниң барлиқи тоғрулуқ агаһландуримән. аммиви таратқу ширкәтлириниң балиларни интернеттә зораванлиқ вә суйиистемалға дуч келишидин қоғдаш мәсулийити бар.  23 дөләттә йуқум, қизилөңгәч, балилар кесәлликлири ваксиниси тохтитилғанлиқи үчүн, дохтурханиларниң йүки техиму еғирлишип кәтти, бу әһвал, балиларниң сақлиқни сақлаш системисидин бәһримән болуш нисбитини төвәнләтти. шуни алаһидә тәкитләп өтимәнки, йәр шари характерлик иқтисадий чекинишиниң тезлишишигә әгишип, 2020 – йили йүз миңларчә балиниң өлүп кетиш хәвпи бардур. бултуқи адәттин ташқири дәриҗидики ачарчилиққа дуч кәлгән тәхминән 386 милйон балиға, йуқумға дуч келиватқан 42 – 66 милйон балиниму илавә қилишқа тоғра келиду. <вухән вируси> сәвәбидин мәктәпләр тақалған 188 дөләттә, бир йерим милйон бала вә йашниң оқуш ишлири тохтап қалди.»