борис җонсон сәһийә хадимлириға рәһмәт ейтти

түркийә авази радийо хәвири: әнглийә баш вәзири борис җонсон твиттерда бир видео тарқатти.

у: «бүгүн (2020-йили 12-апрел) дөләт сәһийә хизмәтлири һайатимни қутқузған бир һәптидин кейин дохтурханидин чиқтим. рәһмитимни сөз билән ипадиләштә қийналдим» деди.

у даваланған лондондики «с.т томас» (St Thomas) дохтурханисиниң хадимлириниң исмини атап туруп рәһмәт ейтти, болупму йеңи зеландийәлик җеннй (Jenny) билән португалийәлик луйис (Luis) икки систераниң һалқилиқ 48 саәтлик давалаш бойичә йенидин айрилмиғанлиқини қәйт қилди.

у: «бәдинимниң йетәрлик дәриҗидә оксиген елишқа бшлишиниң сәвәби, уларниң кечиниң һәр бир минутида мени көзитип туруп, еһтийаҗлиқ болғинимда мени дәрһал нәпәсләндүрүши иди» деди.

баш вәзир борис җонсон 2020-йили 27-марттики саламәтлик тәкшүрүшидә вухән вируси(Kovid-19) билән йуқумланғанлиқи байқалған иди. у шуниңдин кейин өзини карантин астиға алған болуп, әһвали йахшимиғанлиқи үчүн 5 –апрел балнестқа елинған иди.