америка, италийә вә фирансийәдә вирус сәвәбидин өлгәнләрниң сани күнсери көпәймәктә
америка қошма иштатлири, италийә вә фирансийә қатарлиқ ғәрб әллиридә «вухән вируси» сәвәбидин өлгәнләр сани күнсери көпийип, қорқунчлуқ сәвийәгә йәтти.
түркийә авази радийоси хәвири: италийәдә «вухән вируси» сәвәбидин өлгәнләр сани, йеқинқи 24 саәт ичидә йуқумланған вә 88 дохтурниму өз ичигә алған 636 киши билән қошулуп, 16 миң 523 кә, йуқумланғанлар сани 133 миңға йәтти.
фирансийәдә болса қаза қилғанларниң сани 8 миң 911 гә, йуқумланғанлар сани 98 миң 10 ға йәтти, 17 миң 250 киши сақайди.
әнглийәдә вирус сәвәбидин өлгәнләрниң сани 5 миң 373 кә, йуқумланғанлар сани 51 миң 608 гә йәтти.
америка қошма иштатлирида «вухән вируси» сәвәбидин өлгәнләр сани 10 миңдин ешип кәтти, йуқумланғанлар сани 347 миңға йәтти.
пирезидент трамп, «вухән вируси» ға қарши күрәш мәсилисидә мундақ деди: «дүшмән билән һәммә тәрәптә елишиватимиз, 3 миң сәһийә хадимимиз <вухән вируси> ниң мәркизигә айланған нийу йоркқа әвәтилди,муавин пирезидент пенс билән бирликтә пат – пат дохтурға көрүнүп туруватимиз.»
