америка әскәрлири 10 күн ичидә чекинишкә башлайду

түркийә авази радийоси хәвири: америка дөләт мудапиә министири марк еспер, армийә иштаб башлиқи марк миллей билән бирликтә ахбарат елан қилиш йиғини өткүзди.

у америка билән талибан оттурисида шәнбә (2020-йили 29-феврал) күни түзүлгән келишимгә бойсунидиғанлиқлирини билдүрүп, афғанистанда тоқунушларниң көрүнәрлик сәвийәдә азийишини күтидиғанлиқлирини қәйт қилди. у мундақ деди:

«келишим бойичә әскәрлиримизниң санини 135 күн ичидә 8600 ға қисқартимиз. бу чекиниш дәсләпки 10 күн ичидә башлиниду. у йәрдики қоманданларға бәргән йолйоруқум <буни қилайли, йахши нийитимизни вә тиришчанлиқимизни көрситәйли> шәклидә болди.»

у американиң афғанистандики паалийәтлири үчүн 8600 әскәрниң йетәрлик болидиғанлиқини әскәртип, әһвалға қарита, зөрүр тепилғанда, чекинишни тохтитидиғанлиқлирини тәкитлиди.

у афғанистандики америка әскәрлириниң санини бекиткән сәвийәгә қисқартқандин кейин, афғанистанда бу һәрбий күч билән йәнә бир мәзгилгичә паалийәтлирини көрситидиғанлиқлирини؛ сийасий һәл қилиш пүтүнләй әмәлгә ашқанда, уларниму чекиндүрүшкә башлайдиғанлиқлирини қәйт қилди.