pompiyo, dölitining kosowoning musteqilliqini qollaydighanliqini bildürdi

türkiye awazi radiyosi xewiri: amérika tashqi ishlar ministirliqi bayanatchisi morgan ortagus yazma bayanat élan qilip, mayk pompéyoning kosowo pirézidénti hashim tachi bilen washingtonda körüshkenliki؛ uchrishishta, pompiyoning tachini pirishtine bilen bélgrad arisida hawa, tömür we tash yol qatnishini rawanlashturushqa righbetlendürgenliki, uninggha, sérib mehsulatlirigha qoyulghan tamozhna bajlirini töwenlitishi lazimliqini, shundaq qilghandila ikki xelqning iqtisad we sodida payda alalaydighanliqini, mushundaq bolghandila sérbiye bilen bolghan munasiwetlerning normallashturulushi we söhbetlerning janlandurulushi yolida qedem tashlighili bolidighanliqini éytqanliqini bildürdi.

yene bir tereptin mayk pompéyoning kosowo saylamlirining démokratik muhit ichide ötküzülgenliki üchün tachini tebrikligenliki eskertilgen bayanatta, «amérika bilen kosowo arisida küchlük shérikchilik munasiwiti barliqigha isharet qilghan ministir pompiyo, amérikaning ortaq qimmet – qarashlargha we musteqil bir kosowogha bolghan qollishini dawamlashturidighanliqini tekitlidi» dégen ibarilerge orun bérildi.