б д т түркийәдин сүрийә чегралирини очуқ тутушини тәләп қилди

түркийә авази радийоси хәвири: бирләшкән дөләтләр тәшкилати инсанпәрвәрлик ишлири муавин баш катипи марк ловкок, русийәниң һава йардими билән идлибтики бәшшар әсәд күчлириниң һуҗумлири кәлтүрүп чиқириватқан инсаний киризис һәққидә елан қилған байанатида, сүрийәдә уда 9 айдин буйан давамлишиватқан уруш җәрйанида охшимиған шәкилдә инсанпәрвәрлик йардәмләрниң ишқа ашурулғанлиқини тәкитләп мундақ деди: «мән һайатимда сүрийәниң ғәрбий шималий қисмида йүз бәргән әһвални һеч көрүп баққан әмәс. идлибта өй – маканлиридин айрилип қалған 900 миң кишини өз ичигә алған 3 милйон кишигә түркийәниң «бабуссәламә вә бабулһәва) чегра еғизлири арқилиқ инсанпәрвәрлик йардәм буйумлири йәткүзүп берилди. техиму көп инсанпәрвәрлик йардәм буйумлирини өткүзүш үчүн бу чегра еғизлирини очуқ тутуш мәсилисидә түркийә даирилири билән давамлиқ сөһбәт өткүзүватимиз. түркийә уруш башланғандин буйан қечип кәлгән 3 йерим милйон сүрийәликни бағриға бесиш мәсилисидә адәттин ташқири дәриҗидә сехилиқ қилди. хәлқара җәмийәт түркийәгә пул – муамилә вә башқа йардәмләр җәһәттин түркийәни қоллашта техиму ақиланә иш қилиши мумкин иди. русийә, түркийә вә бәшшар әсәд һакимийитини сүрийәдики қирғинчилиққа хатимә бериш вә киризискә сийасий җәһәттин һәл қилиш чариси тепишқа чақиримиз.»