трамп венезуела өктичи рәһбири гуайдо билән көрүшти
америка пирезиденти доналд трамп өзини «вақитлиқ пирезидент» дәп елан қилған венезуеланиң өктичи рәһбири хуән гуайдо билән ақсарайда көрүшти.
түркийә авази радийоси хәвири: пирезидент доналд трамп венезуела өктичилириниң рәһбири хуән гуайдони ақсарайда күтүвалди. пирезидент трамп билән хуән гуайдониң көрүшүшидин бурун елан қилиниши керәк болған байанат, һечқандақ сәвәб көрситилмәстин әмәлдин қалдурулди.
трамп-хуән гуайдо көрүшүши ахбаратқа йепиқ шәкилдә өткүзүлди.
хуән гуайдо трамп билән көрүшүштин илгири муавин пирезидент майк пенс вә башқа америка сийасәтчилири билән көрүшти.
американиң қоллишиға еришкән хуән гуайдо венезуела алий соти чәт әлгә чиқишни чәклигән болсиму, 2020-йили 19-йанвар коломбийәгә берип, 3-қетимлиқ америка қитәси терроризмға қарши туруш министирлар конферансиға қатнашти вә америка ташқи ишлар министири майк помпейо билән көрүшти.
у йиғиндин кейин, шивейтсарийәниң давос шәһиридә өткүзүлидиған йиғинға қатнишиш вә охшимиған дунйа рәһбәрлири билән көрүшүш үчүн йавропаға барған иди.
مۇناسىۋەتلىك خەۋەرلەر
германийәдә бир қәһвәханида партлаш йүз бәрди
германийәниң көлин шәһиридики бир қәһвәханида йүз бәргән партлашта икки киши йеник йариланди.
