америка 6 дөләткә виза чәклимиси қойди

түркийә авази радийоси хәвири: америка қошма иштатлири ички бихәтәрлик ишлири муавин министири чад волфниң телефон йиғинида әскәртишичә, нигерийә, қирғизистан, бирма, судан, танзанийә вә еритирийә қатарлиқ дөләтләр америка қошма иштатлириниң бихәтәрлик өлчимигә тошмайдиғанлиқи үчүн,  вашингтон бу дөләтләрниң пуқралириға америкида узақ мәзгиллик туруш иҗазәтнамиси берилишидә түрткилик рол ойнайдиған визини тоңлитип қойған. униң йетишичә, бу кәң даирилик виза чәклимиси әмәс болуп, мәзкур дөләтләрниң пуқралири америка қошма иштатлириға сайаһәт визисиға давамлиқ илтимас суналайдикән. бу дөләтләрниң әһвалида америкиниң ички бихәтәрлик өлчәмлиригә тошидиған өзгириш көрүлгән һаман чәклимә бикар қилинидикән. бу қарарға асасән, мәзкур дөләтләрниң пуқралири «йешил карт» қатарлиқ визиларға илтимас суналмайдикән. бу даиридә судан билән танзанийәгә «йешил карт» белити тарталмаслиқ чәклимиси қойулған.

америка һөкүмити илгириму иран, ливийә, сүрийә, сомали, йәмән, шималий корейә вә венезуела қатарлиқ дөләтләргә виза чәклимиси қойғаниди.