тәйвән хитайларниң тәйвәнгә келишини чәклиди
тәйвәнгә хизмәт зийарити билән келидиғанларға нисбәтәнму тәйвәнгә кәлгәндин кейинки икки һәптә бойичә сәһийә тәкшүрүшлиридин өтүш шәрти қойулди.
түркийә авази радийоси хәвири: тәйвәнниң йуқумлуқ кесәлликләрни контирол қилиш мәркизи хитайда йеңи типлиқ коронавируси билән йаллуғлиниш нисбитиниң күнсири ешип кәткәнлики сәвәбидин хизмәт вә инсаний муһим еһтийаҗ сәвәбидин келидиғанлардин башқа барлиқ хитай пуқралириниң тәйвән арилиға киришигә рухсәт қилинмайдиғанлиқини җакарлиди.
хизмәт билән тәйвәнгә келидиғанларға нисбәтәнму тәйвәнгә кәлгәндин кейинки икки һәптә бойичә сәһийә тәкшүрүшлиридин биҗанидил өтүш шәрти асасида рухсәт қилинидиғанлиқи уқтурулди.
тәйвәндә оқуватқан хитай оқуғучиларниң тәйвәнгә келишини икки һәптә кечиктүриши лазимлиқи, хубей өлкисидә турушлуқларниң болса, иккинчи уқтуруш елан қилинғанға қәдәр тәйвәнгә кәлмәй туруши лазимлиқи билдүрүлди.
бу арилиқта йапонийә баш министири шинзо абе хитайниң вухән шәһиридин қайтип келишни халайдиған барлиқ пайонийә пуқралириға йардәм қилинидиғанлиқини елан қилди.
шинзо абие елан қилған байанатида вухәндики йапонийә пуқралирини қайтуруп келиш үчүн мәхсус айропилан әвәтиштәк һәр хил чарилләрни ишқа салидиғанлиқини ейтти.
йапонийә һөкүмитиниң қаришичә вухәндә 710 нәпәр йапонийә пуқраси йашайдикән.
американиң чикаго вә вишингитон шәһәрлидин кейин бу қетим калифорнийә иштатидиму вухәндин кәлгән бир кишидә коронавируси башқалди.
американиң кесәлләрни контирол қилиш вә алдини мәркәзлири калифорнийә иштатиниң орәнҗ наһийәсидә хитайниң вухән шәһиридин кәлгән бир йолучида йеңи типлиқ коронавируси байқалғанлиқини җәзмләштүрди.
орәнҗ наһийәлик сәһийә идариси бемарниң карантенаға елинғанлиқини вә әһвалиниң йахши икәнликини билдүрди. бемар билән йеқин алақидә болған кишиләрниңму көзитиш астиға елинидиғанлиқини уқтурди.
