доналд трампни өлтүргән кишигә 3 милйон доллар мукапат

иран парламент әзаси әһмәд һәмзә америка пирезиденти доналд трампни өлтүргән кишигә 3 милйон доллар мукапат беридиғанлиқини елан қилди.

доналд трампни өлтүргән кишигә 3 милйон доллар мукапат

түркийә авази радийоси: әһмәд һәмзә иран парламентиға қирман вилайитигә қарашлиқ кәһнуч шәһиридин әзалиққа сайланған болуп, америка һуҗумида өлгән қасим сулайманиниң қирманлиқ икәнликини вә қирман хәлқи намидин доналд трампни өлтүргән кишигә 3 милйон доллар мукапат беридиғанлиқини җакарлап, «қирман хәлқи намидин трампни өлтүргән кишигә нәқ 3 милйон доллар мукапат беримиз» деди.

америка һөкүмити йадро келишимидин өз алдиға чикинип чиққандин кейин доналд трампниң йавропа дөләтлириниң иран билән болған келишимдики мәнпәәтлирини қоғдаш үчүн һечқандақ қәдәм ташлимиғанлиқини тәкитлигән әһмәд һәмзә, иран һөкүмитигә йадролуқ қоралларниң кеңийишиниң алдини елиш келишимидин чиқип кетип, йадролуқ қорал ишләп чиқириш чақириқида болди.

иран парламент әзаси әһмәд һәмзә: «бүгүнки күндә йадролуқ қоралға игә болған болсақ идуқ, тәһдитләргә дуч кәлмигән болаттуқ. әмдиликтә йавропаниңму әһдинамилиридин йенивалғанлиқиға қариғанда, әң қисқа вақитта йадролуқ партлашларни ишқа ашуруп, йадролуқ күчләр күлүбиға қетилғанлиқимизни дунйаға җакарлап қойушни тәвсийә қилимән» деди.



مۇناسىۋەتلىك خەۋەرلەر