трамп: нобел тинчлиқ мукапатиға еришиш әң тәбиий һәққим
америка қошма иштатлири пирезиденти доналд трамп нобел тинчлиқ мукапатиға еришиниң әң тәбиий һәққи икәнликини илгири сүрди.
1339193
түркийә авази радийоси хәвири: трамп охайо иштатиниң толедо шәһиридә өткүзүлгән йиғилишта кәң хәлқ аммисиға хитаб қилғанда, нобел тинчлиқ мукапатиниң өзигә берилиши лазимлиқини тәкитләп мундақ деди: «чүнки мән келишим түзүш арқилиқ бир дөләтни қутқузуп қалдим, кейин аңлишимчә, бу дөләтниң рәһбири дөлитини қутқузуп қалғанлиқи үчүн нобел тинчлиқ мукапатиға лайиқ көрүлгәнмиш. бу маңа нисбәтән һәқсизлиқ болуп, нобел тинчлиқ мукапати маңа берилиши керәк.»
нобел тинчлиқ мукапати, қошна дөләт еритийә билән урушқа хатимә бериш йолида көрсәткән тиришчанлиқлири сәвәблик, африқа қитәсидики әң йаш дөләт рәһбири болған 34 йашлиқ епийопийә баш министири аби әһмәд әлиға берилгәниди.
