йавропа иттипақидин чекиниш қанун тәклипи авазға қойулиду
әнглийәниң йавропа иттипақи түзүлгән йавропа иттипақидин чекиниш келишимини асасий қанунға киргүзидиған «йавропа иттипақидин чекиниш қанун тәклипи», бүгүн (2019-йили 9-йанвар) авазға қойулиду.
түркийә авази радийоси хәвири: әнглийәниң йавропа иттипақи түзүлгән йавропа иттипақидин чекиниш келишимини асасий қанунға киргүзидиған «йавропа иттипақидин чекиниш қанун тәклипи», бүгүн парламентниң төвән қанити болған авам палатасида авазға қойулиду.
қанун тәклип лайиһәси 2019-йили 20-декабир авам палатасидики беләт ташлашта 234 кә қарши 358 авазға еришип, қанун айлиниш басқучидики тунҗи қәдәмни оңушлуқ басқан иди.
авам палатасииң тәстиқиға еришиши күтүлүватқан лайиһә, парламентниң йуқири қанити болған лордлар палатаси вә падишаһ 2-елизабитниң тәстиқи билән қанунға айлиниду.
қанун тәклипиниң қанунға айлиниши билән, 2020-йили 31-йанвар әнглийәниң йавропа иттипақидин рәсмий чекиниши үчүн һечқандақ тосқунлуқ қалмайду.
йавропа иттипақидин чекиниш келишими өткән йили авам палатасидики беләт ташлашта йетәрлик авазға еришәлмигән болуп, йавропа иттипақидин чекинш вақти үч қетим кечиктүрүлгән иди.
