майк помпео хитай билән русийәни әйиблиди

түркийә авази радийоси хәвири: америка ташқи ишлар министири майк помпео русийә билән хитайниң сүрийәгә чегра һалқиған йардәмләрниң қилинишиға шараит һазирлап бериватқан б д т хәвпсизлик кеңишиниң алақидар қарарнамисиниң йеңилинишиға қарши чиқип, вето қилғанлиқини «нумус қиларлиқ иш» дәп тәнқид қилди.

майк помпео йазма байанат елан қилип, русийәниң 14 – қетим вә хитайниң 8 – қетим сүрийәгә инсанпәрвәрлик йардәмләрниң қилинишиға тосалғу болүп, қарарнамини рәт қилғанлиқини тәкитлиди.

майк помпео: «һәр икки дөләт сүрийәдики шериклирини қоллап – қуввәтләшни вә йүз бериватқан вәқәләрни йошурушни, бундақ қейин қиш пәслидә һайат қилиш үчүнла муҗадилә қиливатқан милйонларчә бигунаһ инсанниң һайатидинму үстүн көрди. бу дөләтләр йәнә идлибтә әсәд қисимлириниң вә русийәниң һуҗумлирини қоллап, пуқраларниң һайатини хәвпкә иттирмәктә» деди.

пуқраларниң һайати үчүн бирләшкән дөләтләр тәшкилатиниң чегра һалқиған йадәмләрни қилиши шәрт болғанлиқини тәкитлигән помпео «хитай билән русийәниң буни вето қилиши, бу һөкүмәтләрниң сүрийә һөкүмәт қисимлири тәрипидин тосалғуға учраватқан инсанпәрвәрлик йардәмләргә писәнтму қилмайдиғанлиқини көрсиду» деди.

майк помпео русийә билән хитайниң «сүрийәдә вәзийәт өзгәрди» дегән қарашлирини рәт қилип, милйонлиған сүрийә хәлқиниң һазирму йардәмгә муһтаҗ әһвалда икәнликини ейтти. 

бирләшкән дөләтләр тәшкилати хәвпсизлик кеңишиниң мәзкур қарари йеңиланмиғанлиқи сәвәбидин әгәр 10 – декабирға қәдәр бирәр алдини елиш тәдбири йолға қойулмиса, түркийәниң 2 чеграсини қошқанда, сүрийәгә инсанпәрвәрлик йардәмлири қилиниватқан җәмиий 4 чегра еғизи инсанпәрвәрлик йардәмләрниң киришигә тақилип қалиду.