tramp «Conan» isimlik itqa teqdirname we médal berdi
amérika qoshma ishtatliri pirézidénti donald tramp, daésh térrorluq teshkilati kattibishi ebubekir elbaghdadi biterep qilinghan zerbe bérish herikitide yarilanghan «Conan» isimlik itqa teqdirname we médal berdi.
türkiye awazi radiyosi xewiri: donald tramp, repiqisi mélania tramp, muawin pirézidénti mayk péns we baghdadi herikitige qatnashqan Conan bilen birlikte aqsarayning baghchisida muxbirlarni kütüwélish yighini ötküzdi؛ Conan gha zerbe bérish herikitige qoshqan töhpisi üchün bir teqdirname we médal bergenliklirini eskertken tramp, «Conan hazir dunyaning eng dangliq iti. u, baghdadi herikiti esnasida néme ishlarning bolghanliqini biletti» dédi.
u, «qehriman» dep teripligen Conan isimlik itning salametlikining eslige kelgenlikini we «wezipe öteshke bashlighanliqi» ni eskertti.
tramp yene, baghdadi herikitige qatnashqan alahide heriket qisim komandérliri bilenmu aqsarayda körüshkenlikini qeyt qildi.
daésh kattibéshi baghdadi amérika alahide heriket qisimlirining süriyening idlib shehirining shimalida élip barghan zerbe bérish herikitide ölük halette qolgha chüshürülgenidi.
tramp 27 – öktebirde muxbirlarni kütüwélish yighini ötküzüp, baghdadining özi turuwatqan öyning astidiki ayighi chiqmas tonéllarning birige kirip, yénidiki 3 bala birlikte özini partlitip ölgenlikini élan qilghanidi.
