irandiki namayishlarda mingdin artuq kishi tutuldi

türkiye awazi radiyosi xewiri: iranda bénzinning bahasining %300 östürülüshi sewebidin jüme (15-noyabir) bashlanghan namayishlar tünügün (17-noyabir) mu dawam qildi.

iranning téhran, tebriz, meshhed, ahwaz, ispahan, yezd, kirman we kerech qatarliq sheherlirini asas qilghan halda 1080 nuqtida namayish ötküzüldi.

namayishlar jeryanida, 100 din artuq banka we 50 din artuq dukangha ot qoyup bérilgenliki ilgiri sürüldi. weqelerde, texminen ming namayishchining saqchilar teripidin tutulghanliqi qeyt qilindi. nurghun sheherlerde yüz bergen weqelerde, namayishchilar we saqchilardin ölgen hemde yarilanghanlarning barliqi bildürüldi.

tebriz uniwérstétidimu yüzlerche oqughuchi toplinip bénzin bahasining östürülüshige naraziliq bildürüp namayish qildi.

iran dölet xewpsizlik aliy kéngishi namayishlar sewebidin intérnétni taqash qarari aldi. buningdin bashqa, paytext téhranning eng awat hésablinidighan merkezliridin téhran chong bazirida bezi dukanlar échilmidi.

iranda bénzin bahasi ayliqi bir litérdin 60 litérghiche 1000 tümendin 1500 tümenge؛ aptomobil béshigha bir ay ichide 60 litérdin artuq bénzin sétiwélinghan teqdirde bir litéri 3000 tümenge östürülgen idi.