xongkong aliy soti: «maska taqashni cheklesh xongkongning asasiy qanungha xilap»
xongkong aliy sot mehkimisi hökümetning maska taqashni cheklesh belgilimisige qarshi hökümname élan qildi.
türkiye awazi radiyosi xewiri: xitayning xongkong alahide memuriy rayoni aliy sot mehkimisi hökümet teripidin ijra qiliniwatqan maska taqashni chekleshning, xongkongning asasiy qanuni hésablinidighan négizlik qanungha xilap ikenliki heqqide hökümname élan qildi.
birsi sabiq jemiy 25 parlamént ezasi maska taqashni cheklesh belgilimisini aliy sotqa erz qilghan bolup, aliy sotning sodiyeliridin andérson chop kaming we godfréy lam wanxon, bu cheklimining mahiyette waliygha her qandaq xeterlik weziyette xalighanche qanun chiqirish hoquqi bergenlik bolidighanliqi we buning négizlik qanungha xilap ikenliki heqqide hökümname élan qildi.
sot mehkimisi yene, saqchilargha ammiwi sorunlarda kishilerning maskilirini élip tashlash hoquqi bérilishi we saqchilarning bu hoquqini ishlitishige héchqandaq cheklime qoyulmasliqigha qaritamu «tengpungsiz küch ishlitish» dep höküm chiqardi.
maska cheklesh belgilimisige xilapliq qilghan dégen eyiblesh bilen bügün 2 kishining sot qilinishi kütülmekte idi.
xitayning xongkong waliysi kerriy lam mezkur maska taqashni cheklesh belgilimisini, engliye dewridiki jiddiy halet qanunini asas qilghan halda 5 – öktebirde resmiy ijra qilishqa bashlighan, biraq parlaméntta muzakirige qoymighan idi.
xongkongda 1922 – yili chiqirilghan bir belgilime tunji qétim sotqa erz qilinghan boldi.
xongkongda iyun éyida gumandarlarni xitaygha qayturup bérish qanun teklipige qarshi bashlanghan démokratiye terepdarlirining namayishlirida, yéqinqi heptilerdin buyan saqchilar bilen toqunush yüz béridighan ehwallar köp körülmekte.
resmiy sanliq melumatlargha asaslanghanda, xongkongda iyun éyidin buyan texminen 4000 namayishchi nazaretke élinghan.
