пакистанда 10 ай ичидә 703 кичик бала ачлиқтин өлди
пакистанниң әң намрат шәһири һесаблинидиған тарпакарда 10 ай ичидә 703 кичик бала йетәрлик озуқлиналмаслиқ вә кесәллик түпүйли җенидин айрилди.
түркийә авази радийоси хәвири: пакистанниң синд өлкилик сәһийә ишлири министирлиқиниң байанатлириға асасланғанда, тарпаркар шәһиридики дөләт дохтурханисиға қарашлиқ давалаш понкитлирида бу йилниң дикабир ейидин өктәбир ийиғичә болған мәзгилдә 703 кичик бала өлгән болуп, бу өлүмләрниң асаслиқ көп қисмиға йетәрлик озуқлиналмаслиқ вә башқа кесәлликләр сәвәб болғанлиқи билдүрүлди.
шәһәрдә өктәбирдә ейидила өлгән кичик балилар саниниң 84 кә йәткәнлик уқтурулди.
тарпаркар шәһиридә өткән йилиму 505 кичик балиниң өлгәнлики елан қилинған болуп, буниң йеқинқи 4 йилдин буйанқи әң йуқири сан икәнлики җакарланған иди.
алдинқи йили тарпаркар шәһиридә қурғақчилиқ бйүз бәргән иди.
пакистанниң һиндистан чеграсиға җайлашқан тарпаркар шәһири пакистан бойичә әң намрат шәһәр һесаблиниду.
бирләшкән дөләтләр тәшкилати тәрәққийат пирограммиси доклатиға вә пакистанниң көп тәрәплимилик йоқсуллуқ көрсәткүчигә асасланғанда, бу шәһәрдә йашайдиған 1 милйонон 600 миң кишиниң %87 ти намратлиқ өлчимидинму төвән шараитта һайат көчүрмәктә икән.