путин билән макрон сүрийә тоғрисида сөзләшти
русийә пирезиденти виладимир путин билән фирансийә пирезиденти емануел макрон телефонда көрүшүп, сүрийәниң шималидики вәзийәт тоғрисида пикир алмаштурди.
түркийә авази радийоси хәвири: русийә пирезидентлиқ мәһкимиси йазма байанат елан қилип, путинниң макрон билән телефонда көрүшкәнликини؛ телефон сөһбитидә, түркийә билән русийә арисида сочида һасил қилинған келишимниң тәрәпләрниң мәнпәәтлирини нәзәрдә тутқанлиқи вә сүрийәниң земин пүтүнлүкигә пайдилиқ болғанлиқи тәкитләнгән.
макронниң, русийә билән түркийә арисида һасил қилинған келишимгә иҗабий баһа бәргәнлики әскәртилгән байанатта, «сочи килишими, фират дәрйасиниң шәрқидики вәзийәтни муқимлаштуриду вә сүрийә киризисиниң һәл қилинишиға йардәмчи болиду» дейилди.
телефон сөһбитидә, 30 – өктәбирдә шивейтсарийәниң җәнвә шәһиридә чақирилиши күтүлүватқан сүрийә асасий қанун комитети йиғини тоғрисидиму пикир алмаштурулғанлиқи билдүрүлди.
йәнә бир тәрәптин, русийә ташқи ишлар министири сергей лавровму америка ташқи ишлар министири майк помпейо билән телефонда көрүшүп, сүрийә вәзийити тоғрисида пикир алмаштурди؛ телефон сөһбитидә йәнә, икки дөләт мунасивәтлиригә алақидар бәзи мәсилиләр муһакимә қилинди.
مۇناسىۋەتلىك خەۋەرلەر
афғанистанда кәлкүн апитидә 14 адәм қаза қилди
афғанистандики кәлкүн апитидә йеқинқи 3 күн ичидә охшимиған вилайәтләрдә 14 адәм һайатидин айрилди.
путин әтә қәсәм берип, йеңи вәзипә өтәш муддитини башлайду
русийә пирезиденти владимир путин әтә (7- майда) қәсәм берип, йеңи вәзипә өтәш муддитини башлайду.
