amérika afghanistandiki esker sanini töwenletti
amérikaning mushu bir yil ichide afghanistandiki esker sanini 2000 etrapida töwenletkenliki bildürüldi.
türkiye awazi radiyosi: amérikaning afghanistandiki qetiy irade yardem nishani herikiti qomandani général astin sikot millér wezipige teyinlengen mushu bir yil ichide afghanistandiki esker sanini 2000 etrapida töwenletkenlikini élan qildi.
astin sikot millér amérika dölet mudapie ministiri mark éspér bilen birlikte afghanistanning paytexti kabulda chaqirghan axbarat élan qilish yighinida, «xelqara jamaetchilik anche bilmesliki mumkin, ünümini yuqiri kötürüsh xizmetlirining bir qismi süpitide bu yerdiki eskerlirimizning sanini ikki ming etrapida töwenlettuq» dédi.
amérikaning afghanistanda turushluq armiyesi bayanatchisi polkawnik sonniy léggét bu heqte kéyinche élan qilghan bayanatida, amérikaning aldinqi yilidiki aqghanistanda turushluq esker sanining 15 ming we hazir bolsa, 13 ming etrapida ikenlikini bildürdi.
chékindürülgen amérika eskerlirining köpinchisining kabuldiki merkizi bazida ikenlikini eskertken polkawnik léggét, bu ehwalning afghanistandin chékinishning emes, belki nurmal retke sélishning bir parchisi ikenlikini tekitlidi.
