мексика хәлқиниң көпинчиси «тәшкиллик җинайәтчиләр гуруһи һөкүмәттин көчлүк» дәп қарайдикән

түркийә авази радийоси: «Reforma» гезити, зәһәрлик чекимлик әткәсчи гуруһиниң катибеши әл чапу (йәни пакинәк) ләқәмлик җокуин гузманниң оғуллиридин овидо гузман лопез 17 – өктәбирдә сақчилар тәрипидин назарәткә елинғандин кейин, мексикида йүз бәргән тоқунушларға қарита рай синаш елип барған.

рай синашта, мексика хәлқниң %56 и «тәшкиллик җинайәтчиләр гуруһи һөкүмәттин техиму күчлүк» дәп қарайдиғанлиқини %33 и болса, «һөкүмәт тәшкиллик җинайәтчиләр гуруһидин күчлүк» дәп қарайдиғанлиқини билдүргән вә қалған %11 и пикир билдүрмигән.

рай шинашта, хәлқниң %45 и зорванлиқ вәқәлири йүз бәргәндин кейин гузманниң қойуп берилгәнликигә қарита «тоғра иш» дәп баһа бәргән. %49 и бу қарарниң тоғра болмиғанлиқини илгири сүргән.

америкида тутуп туриливатқан гузманниң оғли овидо гузман пәйшәнбә күни синало иштатиға қарашлиқ җулийакан шәһиридики өйидин назарәткә елинған болуп, җинайчиләр гуруһи әзалири уни назарәткә алған аманлиқни сақлаш хадимлириға йардәм қилиш үчүн кетватқан әскәрләргә һуҗум қилғандин башқа йәнә, шәһәрниң охшаш болмиған җайлирида зораванлиқ һәрикәтлирини башлиған иди.

кочиларда аптомобилларға от қойуп, һөкүмәт биналириға, кархана вә доканларға шундақла хәлққә қалаймиқан оқ чиқиришқа башлиған һәмдә йәнә, шәһәрдики түрмидин 51 мәһбусниң қечип кетшигиму сәвәб болған иди.

вәқәдә 5 нәпәр җинайәтчиләр гуруһи әзаси, бир нәпәр дөләтлик аманлиқни сақлаш хадими, бир мәһбус вә бир пуқра җенидин айрилған. көпинчиси аманлиқни сақлаш хадимлиридин тәшкил тапқан җәмий 16 киши йаридар болған иди.

вәқәдин кейин мексика пихәтәрлик кабенти җиддий йиғин чақирип, гузманниң қойуп берилиши вә аманлиқни сақлаш қисимлириниң чекиниши һәққидә қарар мақуллиған иди.