җәнубий корейәдә әдлийә министири чу кук истепа бәрди

түркийә авази радийоси хәвири: җәнубий корейә әдлийә министири чу кук елан қилған байанатида, вәзиписидин еистипа беришиниң сәвәби, тәптиш мәһкимисиниң аилиси һәққидә иқтисади җинайәт вә академик саһәдә айримчилиқ билән әйибләп тәкшүрүш башлиғанлиқи икәнликини ейтти.

министир чу кук җәнубий корейәниң әдлийә ситемисида ислаһатларниң ишқа ешиши үчүн көп тиришчанлиқ көрсәткән болуп, у йәнә: «аиләм һәққидә башланған тәкшүрүш сәвәбидин хәлқтин кәчүрүм сораймән. бир әдлийә миниситири болуш сүпитимиз ислаһатларниң ишқа ишиши үчүн қолумдин келишичә тириштим. әмдиликтә мениң ролум ахирлашти» деди.

чу кук һәммә ишни бир чәткә қайрип қойуп, буниңдин кейинки вақтини қейин вә азаблиқ күнләрни баштин кәчүриватқан аилисигә көңүл болүш билән өткүзидиғанлиқини тәкитлиди.

пайтәхт сеул һәптиләрдин буйан министир чу кукни қоллайдиған һөкүмәт тәрәбдарлири билән чу кукниң истепа беришини тәләб қиливатқан өктичиләрниң намайишлириға сәһнә болуп кәлмәктә иди.

чу кук синтәбирдә әдлийә министирлиқиға тәйинләнгән болуп, униң айали, қизи вә оғли чириклик, қаидә қанунға бой сунмаслиқ билән әйиблинип тәптиш мәһкимисидә бир қанчә қетим сорақ – соал қилинған иди. 

чу кукниң айалиниң өзи оқутқучилиқ қиливатқан университетқа қизини айрим муамилә билән орунлаштурғанлиқи вә аиливий селинмиларда чириклик қилғанлиқи илгири сүрүлгән иди.