тәйвәндә көврүк вәқәсидә нурғун адәм өлди
тәйвәнниң йилан райониға җайлашқан нәнфәнго портида асма көврүкниң олтурушуп кетиши нәтиҗисидә 4 адәм һайатидин айрилди.
1280142
түркийә авази радийоси хәвири: тәйвән мәркизий хәвәр агентлиқи (CNA) ниң хәвәр қилишичә, түнүгүн нәнфәнго портидики асма көврүк олтурушуп кетип, 4 адәм қаза қилған, икки киши йоқап кәткән. вәқәдин кейин издәш - қутқузуш әтрәтлири нәқ мәйданға йетип барған.
алақидар тармақларниң билдүрүшичә, тинч окйан саһилиға җайлашқан белиқчилар йезисидики нәнфәнго көврүкиниң алдинқи күни йүз бәргән «митаң» намлиқ боран - чапқун апитидә зийанға учриған болуш еһтималлиқи йуқири икән.
игилинишичә, тәйвәнниң йилан райониға җайлашқан сайаһәт мәркәзлиридин бири һесаблинидиған нәнфәнго портидики асма көврүк 1998 – йили хизмәткә кириштүрүлгән икән.
