русийә: «500 - с» башқурулидиған бомба мудапиә системиси синақтин өтти
русийә «500 - с» башқурулидиған бомба мудапиә системисиниң мувәппәқийәтлик һалда синақтин өткәнликини билдүрди.
түркийә авази радийоси хәвири: русийәдә чиқидиған«‹ Izvestiya› гезити» русийә дөләт мудапиә министирлиқи мәнбәлириниң мәлуматлириға асаслинип хәвәр қилишичә, гәрчә «500 - с» башқурулидиған бомба мудапиә системисидин синақ қилиниш җәрйанида бирқатар кашилилар мәйданға кәлгән болсиму, лекин бу кашилилар қисқа вақит ичидә бир тәрәп қилинған. нәтиҗидә, «500 - с» башқурулидиған бомба мудапиә системисини синақ қилиш хизмити мувәппәқийәтлик һалда тамамланған.
русийә дөләт мудапиә министири сергей шойгу «500 - с» башқурулидиған бомба мудапиә системисиниң русийә армийәсигә тапшуруп бериш хизмитиниң 2020 – йили башлинидиғанлиқини билдүргәниди. шуниң билән бир вақитта, сүрийәдики һәрбий һәрикәтләр әснасида синақтин өтәлмигән 12 түрлүк қорал – йарағни ишләпчиқиришни тохтатқанлиқлирини уқтурғаниди.
