хоңкоңда хитай дөләт байрими малиманчилиққа айлинип кәтти

түркийә авази радийоси хәвири: хитай мәтбуатлириниң хәвәр қилишичә, 1949 – йили 1 – өктәбирдә қурулған хитай хәлқ җумһурийитиниң 70 – йили мунасивити билән өткүзүлгән наразилиқ йүрүшлири әснасида хитай һөкүмитини қоллиғучи гуруппа билән хитай һөкүмитигә қарши гуруппа оттурисида талаш – тартиш йүз бәргән.

әтигәндә йүз бәргән вәқәдә, икки гуруппа оттурисидики талаш – тартиштин кейин, сақчилар намайишчиларни тарқитиветиш үчүн йаш аққузуш бомбиси ишләткән. 

бу арилиқта хитай һөкүмити тәрәпдари икки кишиниң назарәткә елинғанлиқи елан қилинди.

хитай һөкүмитигә қарши намайишчилар пүтүн күн бойичә намайишлирини давамлаштурди. қара кейим кейишкән миңлиған намайишчилар чәклимиләргә қаримастин йүрүш қилди. хитай һөкүмитигә қарши шоарлани товлиди. бәзи намайшчиларниң омумән җиназә мурасимлирида ишлитилидиған йалған пул чачқанлиқи билдүрүлди.

шәһәрниң охшаш болмиған йәрлиридә хитай һөкүмтигә наразилиқ билдүрүшни давамлаштурған намайишчилар, хитайниң дөлитиниң қурулуш күни болған 1 – өктәбир күнини «матәм күни» елан қилиниши үчүн чақириқта болди. 

хитайниң хоңкоң алаһидә мәмурий районидики намайишларға сәвәб болған тутқунларни хитайға қайтуруп бериш қанун тәклипи, апрел ейида парламентқа сунулған, бирақ намайишлар сәвәбидин хоңкоң валийси каррй лам ийул ейида қанун тәклипиниң өлгәнликини елан қилған иди.

«қанун тәклипи өлди» дегән байанатқа қаримастин давамлашқан кәң көләмлик намайишлардин кейин, валий каррей лам 4 – синтәбирдә қанун тәклипиниң пүтүнләй әмәлдин қалдурулидиғанлиқини билдүрүп, «һөкүмәт хәлқниң әндишилирини пәс койға чүшүрүш үчүн қанун тәклипини рәсмий һалда әмәлдин қалдуридиған болди» дегән иди.

намайишчилар қанун тәклипиниң пүтүнләй әмәлдин қалдурулишидин башқа йәнә, намайишчиларға зорванлиқ қилған сақчиларни тәкшүрүш үчүн мустәқил комитет қуруш, тутқун қилинған намайишчиларға омумий йүзлүк кәчүрүмнамә елан қилиш, намайишларни «исйан» дәп аташни тохтитиш вә йеңидин сийасий ислаһат башлашни тәләпни қилмақта.

намайишлар пат - пат сақчилар билән намайишчилар йаки хитай һөкүмитини қоллиғучи гуруппа оттурисидики тоқунушларғиму сәһнә болуп кәлмәктә.