нетанйаһуниң доналд трампни алдивәткәнлики ашкариланди
америка федератсийә тәкшүрүш идраси «FBI», исраилийәниң доналд билән өткүзүлгән йуқири дәриҗилик рәһбәрләр арисидики сөһбәтләрни тиңшаш мәқситидә, ақсарай әтрапиға стихбаратчилиқ әслиһәлири орунлаштурғанлиқини илгири сүрди.
түркийә авази радийоси хәвири: америка пирезиденти доналд трамп һөкүмитиниң түнҗи ташқи ишлар министирлиқи вәзиписини өтигән рекс тиллерсон, исраилийә баш министири бинйамин нетанйаһуниң доналд трампни қайил қилиш үчүн нурғун қетим хата мәлуматларни йәткүзгәнликини илгири сүрди.
рекс тиллерсон харвард университетидики конферанста қилған сөзидә, нетанйаһуни «бәк иш қамлаштуралайдиған сийасәтчи» дәп баһалап, «шуниң билән биргә йәнә өзи бир аз макйавелличидур. әгәр униң билән көрүшүп қалсиңиз, һәр даим униң ейтқан сөзлиригә бир аз гуман билән муамилә қилшиңиз лазим» деди.
бинйамин нетанйаһуниң бәзи мәсилиләрдә доналд трампни қайил қилиш үчүн америка пирезидентлиқиға хата мәлуматларни бәргәнликини байқиғанлиқини билдүргән тиллерсон йәнә мундақ деди:
«улар (йәни исраилийә) өзлириниң йахши башқиларниң йаман адәмләр икәнликигә пирезидентни қайил қилиш үчүн хата мәлуматларни бәрди. буни бир қанчә қетим қилди. бу әһвални кейинчә оттуриға чиқирип, пирезидентқа йәткүздуқ. уму әһвални чүшинип йәтти. <сизни алдиди> дедуқ. бизгә шунчә йеқин вә бизгә нисбәтән шунчә муһим бир иттипақдишимизниң бизгә бундақ муамилә қилиши бизни һәқиқәтән биарам қилди.»
рекс тиллерсон пәләстин мәслисигә нисбәтән мукәммәл болмиған тәқдирдиму, йәнила һәл қилиш чариси дейишкә болидиған бирәр нуқтиға келиш мумкинликини, бирақ буниң әйни чағдики шараитларда мумкин болмиғанлиқини билдүрүп, «йетәрлик риғбәтләндүрүш вә әрәб дөләтлиридин йетәрлик бесим болған әһвалда пәләстинликләр ахири бир һәл қлииш чарисини қобул қилиши мумкин иди. у болсиму икки дөләтлик һәл қилиш чариси иди» деди.
нетанйаһу һөкүмитини дәсләпки күнидин бери алаһидә қоллап – қуввәтләп келиватқан америка пирезиденти доналд трамп қуддусни исраилийәниң пайтәхти дәп етирап қилғанлиқини елан қилған вә тел авивдики америка әлчиханисини қуддусқа йөткигән һәмдә исраилийәниң голан егизликидики игилик һоқуқини етирап қилидиғанлиқини җакарлиған иди.
америка ахбаратлириға чиққан йеңи хәвәрләргә асасланғанда, федератсийә тәкшүрүш идраси «FBI» тәрипидин елип берилған тәкшүрүшләр нәтиҗисидә, исраилийәниң доналд трамп билән өткүзүлгән йуқири дәриҗилик рәһбәрләр арисидики сөһбәтләрни тиңшаш мәқситидә, ақсарай әтрапиға истихбаратчилиқ әслиһәлири орунлаштурған вә буни испатлайдиған пакитларниң қолға чүшкәнлики илгири сүрүлгән, лекин исраилийә тәрәп буни рәт қилған.
