венезуелада гуайдо башчилиқидики өктичиләр сөһбәттин чекинди
венезуелада өктичи рәһбәр хуән гуайдо башчилиқидики өктичиләр һөкүмәт билән өткүзүлүватқан учришишлардин чекингәнликини елан қилди. бирақ, дөләт парламентидики бәзи өктичи партийәләр һөкүмәт билән йеңи келишим һасил қилди.
түркийә авази радийоси хәвири: өктичиләр көп санлиқни игиләйдиған дөләт парламентидики «венезуела үчүн чариләр» вә «өзгәртиш вә илгириләш» партийәлири, николас мадуро һөкүмити билән келишим һасил қилди. келишим пайтәхт каракастики ташқи ишлар министирлиқида имзаланди.
тәрәпләр оттурисида йәнә, изчил музакирә өткүзүш үчүн дөләт дийалог үстили тәсис қилиш мәсилиси үстидиму келишим һасил қилинди.
өзини вақитлиқ пирезидент дәп елан қилған американиң қоллишиға еришкән хуән гуайдониң наразилиқини қозғиған келишим, дөләт сайлам кеңишигә йеңи әзаларниң тәйинлиниши, венезуела игилик һоқуқи барлиқини илгири сүрүватқан есикибо (Esequibo) районидики һәқ-һоқуқларни қоғдаш, бәзи сотқа тартилғанларниң қойуп берилиши вә нефит мәһсулатлирини йемәк-ичмәккә алмаштуруп сетиш қатарлиқ маддиларни өз ичигә алиду.
венезуелаға йүргүзүлгән хәлқаралиқ ембарголарни әмәлдин қалдуруш тәләп қилинған келишимдә, һакимийәт бешидики бирләшмә сотсийалист партийәниң парламентқа қайтиши қарар қилинди.
венезуела учур-алақә, мәдәнийәт вә сайаһәт ишлириға мәсул муавин пирезидент хорхе родригез (Jorge Rodriguez), мәзкур келишимниң венезуеладики тинчлиқни күчәйтиш үчүн ташланған чоң қәдәм икәнликини тәкитлиди вә барлиқ өктичи партийәләрни дөләт дийалог үстили әтрапиға топлинишқа чақирди.
مۇناسىۋەتلىك خەۋەرلەر
силовенийә пәләстинни етирап қилиду
силовенийәниң 13-ийунғичә пәләстин дөлитини етирап қилиш тоғрулуқ қарар чиқириши күтүлмәктә.
афғанистан сақчилири һуҗумға учриди
афғанистан бомбилиқ һуҗум қилиш вәқәси йүз берип, үч сақчи қаза қилди, бәш сақчи йариланди.
