tramp gunahning hemmisini boltongha artti

türkiye awazi radiyosi xewiri: amérika pirézidénti donald tramp twittérda florida ishtatidin saylanghan marko rubiyoning, «qisqa waqit ilgiri pirézidént tramp bilen körüshtüm. meslihetchisi jon boltonning bezi pikirlirige qoshulmaydighanliqi toghra, biraq bu pirézidéntning nurghun mesililerde men bilen ixtilap qilghanliqini xatiriletti» dégen uchurini hembehirlidi.

pirézidént tramp: «eslide wénézuéla, bolupmu kuba mesilisidiki pikirlirim, jon boltonningkilerdin küchlük idi. u manga tosqunluq qilatti» dédi.

uzun waqittin béri, bolupmu wénézuéla we iran mesililiride tramp bilen kélishelmeywatqanliqi ilgiri sürülgen jon bolton seyshenbe (10-séntebir) küni wezipisidin qalduruldi.

pirézidént tramp charshenbe (11-séntebir) küni aqsarayda bayanat élan qilghanda, jon boltonning shimaliy koréye üchün liwiye misalini teklip qilishini «pajie» dep atap, shuningdin kéyin pikriy jehettin ayrilghanliqlirini bildürgen idi.

u: «shimaliy koréye dölet rehbiri kim jongunni bu tekliptin kéyin éytqan bezi sözliri üchün eyibliyelmidim. kim jongun jon bolton bilen héchnime qilishni xalimidi. bu qattiq qol bolush mesilisi emes, belki eqilliq bolmasliq mesilisi idi» dédi.