җон болтон вәзиписидин қалдурулған
америка пирезиденти доналд трамп иранға ембарголарни азайтиш пикригә қарши чиққан дөләт хәвпсизлик мәслиһәтчиси җон болтонни вәзиписидин қалдурған.
түркийә авази радийоси хәвири: блумберг (Bloomberg) америка дөләт хәвпсизлик мәслиһәтчиси җон болтонниң вәзиписидин қалдурулғанлиқини хәвәр қилди.
блумбергниң хәвиридә билдүрүлишичә, пирезидент трамп 9-сентәбир (дүшәнбә) ечилған йиғинда, мушу ай ахирида нийу йоркта ечилидиған б д т омумий кеңәш йиғинлирида иран пирезиденти һәсән руһани билән көрүшүшни капаләткә игә қилиш үчүн ембарголарни йәңгиллитишни тәклип қилған.
америка малийә министири стевен мнуҗен (Steven Mnuchin) бундақ қилғанда иран билән музакирә йолиниң ечилидиғанлиқини билдүргән вә пирезидент трампни қоллиған. җон болтон болса, қәтий қарши чиққан. буниң билән, пирезидент трамп хели вақиттин бери иран вә венезуела мәсилилиридә пикир ихтилапи барлиқи дейиливатқан җон болтонни вәзиписидин қалдурушни қарар қилған.
йәнә бәзи мәнбәләрдә қәйт қилинишичә, ақсарай пирезидент трамп билән руһаниниң б д т омумий кеңиши йиғини җәрйанида көрүшүши үчүн тәййарлиқларни башливәткән.
иранниң ембарго йүргүзүлүватқан болушиға қаримай, трамп-руһани көрүшүшини тәстиқлиған йаки тәстиқлимиғанлиқи һазирчә ениқ әмәс.
исираилийә даирилири, нетанйаһу һөкүмитиниң болтонниң ақсарайдин айрилиши билән әң садиқ иттипақдашлиридин бирини йоқитип қойғанлиқини қәйт қилмақта.
