гирозийә абхазийә вә җәнубий осетйа билән бирлишишини халайду
гирозийә пирезиденти саломә зурабишвили, өз һакимийити мәзгилидә абхазийә вә җәнубий осетйаниң гирозийә билән бирлишишини халайдиғанлиқини ейтти.
түркийә авази радийоси хәвири: гирозийә пирезиденти саломә зурабишвили 2008 – йили йүз бәргән җәнубий осетйа урушидин кейин, 26 – авғустта гирозийәдин өз алдиға мустәқиллиқини елан қилған абхазийә вә җәнубий осетйа районлириниң русийә тәрипидин мустәқиллиқи етирап қилинғанлиқиниң 11 – хатирә йили мунасивити билән йазма байанат елан қилди.
саломә зурабишвили дөләтниң парчилинишиға нә гирозийәниң, нә иттипақдашлириниң йол қоймадиғанлиқини тәкитләп, «бүгүнки күндә руслишиш сисйасити сәвәбидин абхазлар вә осетларниң миллий кимликини қутқузуп қилалиши мумкин болмайдиған һалға келип қалғанлиқини намайтн қилмақта. абхазийә билән җәнубий осетйаниң гирозийә бирләшмә дөләт даирисигә тинч йол билән қайтидиғанлиқиға ишинимән. буниң (йәни гирозийәниң) бирлишишиниң пат йеқинда, мениң пирезиеднтлиқ мәзгилимдә ишқа ешиши әң чоң арзуйумдур. буниң үчүн қолумдин кәлгән пүтүн тиришчанлиқни көрситимән» деди.
саломә зурабишвили бирләшкән әһвалда абхазийә вә җәнубий осетйада йашаватқанларниң гирозийәлниң башқа районлирида йашаватқанлар билән охшаш һәқ – һоқуққа игә болидиғанлиқини тәкитлиди.
