хоңкоңдики намайишлар барғанчә җиддийләшмәктә

түркийә авази радийоси хәвири: миңларчә намайишчи «кәлгүси әвладлириңларни қоғдаңлар! виҗданимиз сөз қилиши лазим!» дегән шоар астида бүгүн хоңкоң вақти 11:30 дә, хоңкоңниң мәркизигә җайлашқан «Charter Garden» (чартер гарден) райониға топлашти. 

районда шунчә қаттиқ йамғур йеғиватқанлиқиғиму писәнт қилмиған намайишчиларниң хоңкоң кәспий оқутқучилар бирликиниң орунлаштуриши билән топлашқанлиқи билдүрүлди. улар җинайәтчиләрни хитайға қайтуруп бериш қанун тәклипиниң пүтүнләй әмәлдин қалдурулиши вә хоңкоң валийси каррий ламниң вәзиписидин истипа бериши қатарлиқ тәләплирини қайта тәкитлиди.

бу қетим йиғилишқа асаслиқ көп қисми оттура йашлиқ кишиләр қатнашқан болуп, йиғилиштин кейин, хоңкоң йәрлик һөкүмт қоналғусиға қарап йүрүш елип берилди.

хоңкоңдики намайишлар башланғиниға мана һазир 3 ай болуп қалди.

йеқиндин буйан хитай һөкүмити хоңкоң чеграсиға җайлашқан шинҗин шәһиридә һәрбий маниверларни өткүзүш арқилиқ хоңкогға қаттиқ мудахилә қилиш сигнали бәрмәктә.

хоңкоңда һөкүм елан қилинған йаки җинайәт билән әйибләнгән кишиләрниң хитайға қайтуруп берилишини асанлаштуридиған қанун тәклипи 3 – априлда парламенқа сунулған иди.

өктичиләр бу қанун мақулланған тәқдирдә, хитайниң хоңкоңдики сийасий өктчиләрни һуҗум нишани қилиштәк нәтиҗиләр келип чиқидиғанлиқдин әндишиләнмәктә.