америка йеңи башқурулидиған бомба синақлирини башлайдиған болди
америка дөләт мудапиә министирлиқи америкиниң оттура мусапилиқ йадро күчләр келишимидин рәсмий чекинип чиққандин кейин, йеңи башқурулидиған бомбиларни синақ қилиш үчүн тәййарлиқни башлиди.
түркийә авази радийоси хәвири: америкиниң «CNN» телевизийә қанилиға байанат бәргән вә исминиң ашкарилиниши халимайдиған дөләт мудапиә министирлиқиниң йуқири дәриҗилик бир мәсули америка армийәсиниң йадро беши болмиған башқурулидиған бомба системилирини синақ қилиш үчүн хизмәтләрни башливәткәнликини ейтти.
у йәнә, америка армийәсиниң мәзкур башқурулидиған бомба системилирини тәрәққий қилдуруштики асаслиқ нишаниниң йавропада русийәгә қарши күрәш қилиш икәнликини тилға алди.
йәнә бир тәрәптин америка медийасиға чиққан хәвәрләргә асасланғанда, америка дөләт мудапиә министирлиқи бир қанчә һәптә ичидә йәрдин қойуп берилидиған башқурулидиған бомбини андин нойабир ейидиму оттура мусапилиқ балистик башқурулидиған бомбисини синақ қилидикән.
мутәхәссисләр америка билән русийәниң оттурисида 32 йил давамлашқан оттура мусапилиқ йадро күчләр келишимидин чекиниши билән йеңи бир қораллиниш риқабитиниң башлиниши мумкинликини тәхмин қилмақта.
йәнә бир тәрәпкә һәр икки дөләт «келишимгә риайә қилмиди» дәп бир - бирини әйиблимәктә.
америка ташқи ишлар министирлиқи америкиниң оттура мусапилиқ йадро күчләр келишимидин түнүгүн рәсмий чекинип чиққанлиқини елан қилған иди.
америка һөкүмити русийәниң 1987 – йили 8 - йанварда имзаланған оттура мусапилиқ йадро күчләр келишимигә давамлиқ хилаплиқ қилип келиватқанлиқи йүзсидин, 6 ай илгири бу келишимдин чекинидиғанлиқини җакарлиған иди.
оттура мусапилиқ йадро күчләр келишими, америка билән совит иттипақи оттурисида мусаписи 500 кело метирдин 5500 келометирғичә болған вә йадро оқ беши тошийалайдиған балистик башқурулидиған бомбиларниң чәклиншини өз ичигә алатти.
