тайландта бүгүн 4 қетим айрим - айрим бомба партлаш вәқәси йүз бәрди
тайландниң пайтәхти баңкокта йүз бәргән партлашта коча тазилиқи қиливатқан икки киши йариланди.
1246939
түркийә авази радийоси хәвири: тайланд мәтбуатлириниң хәвәр қилишичә, бүгүн әтигән (2-авғуст) шу йәрниң вақти 07:00 дин 09:00 ғичә болған арилиқта, шәһәрдики һөкүмәт биналири зич болған мәркизий районда, 4 қетим айрим -айрим партлаш йүз бәргән. нәқ мәйданда тәкшүрүш елип барған сақчилар партлиған бомбиларниң йәрлик усулда йасалған бомба икәнликини ейтқан.
тайланд баш министирлиқи тәрипидин елан қилинған байанатта болса, вәқәни садир қилғучиларниң тәкшүрүлүватқанлиқи вә шәһәр миқйасидики бихәтәрлик тәдбирилириниң йуқири көтүрүлгәнлики билдүрүлди.
партлаш вәқәсиниң баңкокта 52 – нөвәтлик шәрқий җәнубий асийа дөләтлири бирләшмиси ташқи ишлар министирлири йиғини өткүзүлүватқан пәйткә тоғра келиши диққәт тартмақта.
