süriye armiyesining éghir talapetke uchritilghanliqi ilgiri sürüldi

türkiye awazi radiyosi xewiri: süriyede herbiy öktichiler bilen beshshar esed hakimiyitige qarshi qoralliq guruppilar, hakimiyet küchlirining hujumlirigha qarshi idlib jiddiychilikni peskuygha chüshürüsh rayonida élip barghan yéqinqi ikki aydin buyanqi heriketliri jeryanida kem dégende 900 neper hakimiyet eskirini bir terep qilghanliqini bildürdi.

erkin süriye armiyesi birleshmisidin hasil bolghan milliy azatliq fironti bayanatchisi muhemmed rashid, esed hakimiyitining idlib we hama targhliq rayonida izchil halda ilgirilesh üchün tirishiwatqanliqini, biraq herbiy öktichiler bilen hakimiyetke qarshi qoralliq küchlerning ghelibilik halda ulargha taqabil turuwatqanliqini éytti.

u, «hakimiyetning ilgirilishi, tel meleh bilen jubbeyinge oxshash istratégiyelik orunlarni qayturup élishimiz sayisida toxtidi. yene bir tereptin hamaning shimal we gherbiy taghliq rayoni wadi bolghachqa soqunup kirip kütülmigen nuqtilargha ushtumtut hujum qilip qéchish heriketlirini élip barduq. bu xil taktika arqiliq her qétimda hakimiyet küchlirini éghir talapetke uchrattuq» dédi.

yéqinqi ikki aydiki herbiy heriketlerde 150 nepiri yuqiriqi derijilik bolup hakimiyetning kem dégende 900 eskirining öltürülgenlikini eskertken rashid, 1700 din artuq hakimiyet eskirining yarilanghanliqini bildürdi.

u, may éyidin tabügüngiche esed hakimiyitining 24 tanka, 9 herbiy aptomobil, bir bironéwik, 10 dane tankaatar supisi, 24 zemibrek we 2 ikki qurulush mashinisini yoqitip tashlighanliqlirini, iran himayisidiki térrorchi guruppilarning 4 dane «ebabil 3 we 4» namliq uchquchisiz hawa apparatini chüshürüwetkenliklirini qeyt qildi.

hakimiyet küchlirining talapetlirining téximu köp ikenliki, bu sanlarning peqet kimliki éniqlanghanlarnila öz ichige alidighanliqi eskertildi.