иран нйу йорк таймиз гезити мухбириниң мухбирлиқ паалийәтлирини чәклиди

түркийә авази радийоси хәвири: нйу йорк таймес гезитиниң хәвәр қилишичә, теһран даирилири, гезитниң теһранда турушлуқ мухбири томас ердбринкниң мухбирлиқ қилиш иҗазәтнамисини сәвәб көрсәтмәстинла әмәлдин қалдуруп, мухбирлиқ қилиш паалийәтлирини чәклигән.

2012 – йилидин буйан иранда мухбирлиқ билән шуғуллиниватқан голландийә пуқраси ердбринкниң мухбрлиқ иҗазәтнамисиниң иран һөкүмити тәрипидин әмәлдин қалдурулғанлиқи үчүн, феврал ейидин буйан мухбирлиқ хизмәтлирини давамлаштуралмиғанлиқи әскәртилди.

иран дөләт телевизийә қанилиму, нйу йорк таймес гезитиниң голландийәлик мухбириниң мухбирлиқ иҗазәтнамисиниң феврал ейидин буйан узартип берилмигәнликини җәзмләштүрди.

теһран даирилири, 2015 – йили вашингтон почтиси гезитиниң теһранда турушлуқ мухбири җасон ризаийанни җасуслуқ қилиш билән әйибләп қамаққа һөкүм қилған. ризаийан, 2016 – йили йанварда йадро келишими иҗра қилинишқа башлиғанда, иран билән америка арисида имзаланған тутқунларни алмаштуруш келишимигә асасән қойуп берилгәниди.