папаға әң йеқинлиқи билән тонулған баш попниң бәччивазлиқи қиззиқ нуқтиға айланди
аргентина тәптиш мәһкимиси папа фиранҗисусқа йеқинлиқи билән тонулған баш поп густаво занчеттаниң җинсий суйистемал җинайити һәққидә дело туғузулғанлиқини елан қилди.
түркийә авази радийоси хәвири: аргентина дөләт органлири тәптиш мәһкимиси тәрипидин елан қилинған байанатта, баш поп густаво занчеттаниң давамлиқ еғир җинсий суйистемал җинайити билән әйиблинип келиватқанлиқи билдүрүлди.
аргентинаниң оран шәһиридә баш поп болуп вәзипә өтәватқан густаво занчетта 2017 – йили туйуқисз елинған бир қарар билән вәзиписидин естиепа бәргән, аридин бир қанчә ай өтә - өтмәйла папа фиранҗисус уни ватикан мәркизий һөкүмәткә вәзипигә тәйинлигән иди.
папа фиранҗисус қисқиғинә вақит илгири қатнашқан бир телевизийә пирограммисида баш поп густаво занчеттаниң мунасип болмиған җинсий хаталиқларда болғанлиқи сәвәбидин папалиқ мәһкимиси тәрипидин сот қилиниватқанлиқини вә делониң давамлишиватқанлиқини ейтқан иди.
католик чиркавлирида попларниң кичик балиларни җинсий суйиетимал қилиш вәқәлири йеқинқи мәзгилдин буйан хәлқара ахбаратларда ашкарилиншиқа башлиғандин кейин, ватиканму бәзи қәдәмләрни ташлиған иди.
папа фиранҗисус җинсий суйиетимал қилиш вәқәлири сәвәбидин хәлқтин кәчүрүм сориған вә әң ахирида ватикандики пуқраларниң шундақла дипломатийә хадимлириниң көргән йаки аңлиған һәр қандақ җинсий суйиетимал вәқәлирини доклат қилишини мәҗбурий һалға кәлтүридиған бир қанунни мақуллиған иди.
