пакистан «бүркүт-2» намлиқ башқурулидиған бомбисини ғәлибилик синақ қилди
пакистан армийәси байанатчиси генерал асиф гафур, бүркүт-2 намлиқ башқурулидиған бомбиниң синақтин утуқлуқ өткәнликини билдүрди.
түркийә авази радийоси хәвири: генерал гафур иҗтимаий таратқу арқилиқ байанат берип, «бүркүт-2 намлиқ қуруқлуқтин қуруқлуққа қойуп берилидиған баллистик башқурулидиған бомба синиқимиз ғәлибилик ахирлашти. адәттики вә йадро оқ беши елип йүрәләйдиған мәзкур башқурулидиған бомбиниң йетип бериш мусаписи 1500 километир. бүркүт-2, пакистан еһтийаҗлиқ болуватқан район характерлик муқимлиқ үчүн зөрүр болған йалтайдурғучи күчкә игә» дегән ибариләрни ишләтти.
армийә тәрипидин елан қилинған байанатта болса, бомбиниң оман деңизидики нишанни утуқлуқ пачақлап ташлиғанлиқи, синақ җәрйанини йуқири дәриҗилик әскирий әмәлдарларниң назарәт қилғанлиқи билдүрүлди.
байанатта, пакистан баш министири имран ханниңму башқурулидиған бомбини йасап чиққан вә ғәлибилик синақ қилған инженер вә әскәрләрни тәбриклигәнлики тоғрисидики учурларғиму орун берилди.
пакистан өткән йили вә бу йилниң дәсләпки айлиридиму узун вә оттура мусапилик башқурулидиған бомбиларни синақ қилған. синақларда бүркүт вә гаури типлиқ бомбилар ишлитилгәниди.
