биразилийәдә йүз бәргән қораллиқ һуҗумда нурғун адәм өлди
биразилийәдә бир қавақханида йүз бәргән қораллиқ һуҗумда 11 киши һайатидин айрилди.
түркийә авази радийоси хәвири: сақчи тәрәпниң билдүрүшичә, биразилийәниң шималий өлкиси параниң пайтәхти белем шәһириниң гуама мәһәллисидики бир қавақханиға бир аптомобил вә бир мотсиклит билән кәлгән қпраллиқлар тәрипидин қилинған һуҗумда 6 си айал болуп, җәмий 11 киши һайатидин айрилған.,вәқәдин кейин тәкшүрүш башланған.
биразилийә пирезиденти җаир болсонаро йанвар ейида җинайәт садир қилиш нисбити йуқири болған дөләттә қорал - йарағ сетивелишни қолайлаштуридиған қарарнамини имзалиғаниди.
игилинишичә, пирезидентлиқ қарарнамисиға асасән, биразилийәдә қорал - йарағ сетивелиш үчүн илтимас сунидиғанларниң «немишқа қорал - йарағ сетивелишқа еһтийаҗлиқ» икәнликини байан қилиш мәҗбурийити қалмиған, қайтидин тизимға алдуруш муддити 5 йилдин 10 йилға чиққан.