siri lankada ijtimaiy taratqu munberliri waqitliq chekliwétildi

türkiye awazi radiyosi xewiri: siri lanka hökümiti tünügün bezi jame we musulmanlarning dukanlirining hujumgha uchrishigha qarita, ijtimaiy taratqu munberlirige qaytidin cheklime qoydi.

siri lanka dairiliri teripidin bu heqte élan qilinghan bayanatta, tünügün siri lankaning gherbige jaylashqan chilawdiki jame we musulmanlarning dukanlirining hujumgha uchrishigha qarita, siri lankadiki barliq ijtimaiy taratqu munberlirining waqitliq taqiwétilgenliki bildürüldi.

bayanatta féyisbukqa oxshash ijtimaiy taratqularda tehdit xaraktérlik uchurlarning tarqilip yürüshining aldini élish üchün cheklime qoyulghanliqi eskertildi.

bildürülüshiche, siri lankaning bingiriya, dummalasoriya we kuliyapitiya rayonlirida tünügün élan qilinghan kochigha chiqish cheklimisi bügün etigen bikar qilinghan.

siri lankada 21-aprélda pasxalya bayrimi esnasida kochchikade rayonidiki antoni, katana rayonidiki sébastiyan, battikalo rayonidiki meryem ana chérkawliri bilen paytext kolombodiki besh yultuzluq sangri la, kinnamon grand we kiburi méhmanxanliri bombiliq hujumgha uchrighanidi.

bu hujumlardin kéyinla paytext kolombogha yéqin dehiwala rayonidiki bir mihman kütüsh ornigha yéqin bir jayda partlash weqesi meydangha kelgenidi. alaqidar mesullar térrorluq hujumlirida 253 ademning jénidin ayrilghanliqini bildürgenidi.