engliye dölet mudapie weziri gawin wilyamson xuawéygha chétilip wezipisidin qalduruldi
engliye dölet mudapie weziri gawin wilyamsonning dölet xewpsizlik kéngishide, xitayning xuawéy shirkiti bilen élip bérilghan mexpiy uchrishishlarning taratqulargha ashkarilinish weqesini tekshürüsh netijiside hoquqidin élip tashlanghanliqi bildürüldi.
türkiye awazi radiyosi xewiri: engliye bash weziri tirésa méy dölet mudapie ministiri gawin wilyamsonni wezipisidin qaldurdi. bu heqte élan qilinghan bayanatta, engliye bash wezi tirésa méyning dölet mudapie weziri gawin wilyamsongha mektup ewetip: «intayin qayghurush ichide sizge toluq ishinelmeydighanliqim xulasisige bardim» dégenliki bildürüldi.
bayanatta, ayallar we barawerlik ministiri pénny mordawntning dölet minisqtirliq wezipisige teyinlengenliki qeyt qilindi.
ötken hepte engliye taratqulirida, hökümetning 5G intérnét torining tereqqiy qildurulushi üchün xuawéy shirkitige cheklik dairide ruxset qilishqa teyyarliniwatqanliqi toghrisida xewerler tarqalghan idi. arqidinla hökümet we istixbarat organliri bu xewerlerning qandaq ashkarilanghanliqini tekshürüshni qarar qilghan idi.
engliye dölet xewpsizlik kéngishi heptilik yighinini bash wezirning bashchiliqida, her qaysi ministirlar, qoralliq qisimlar we istixbarat organlirining yuqiri derijilik rehberlirining qatnishishi astida achidu.
hazirghiche, xuawéy shirkitining 5G torining tereqqiy qildurulushi mesiliside üstige alalaydighan roli heqqide héchqandaq resmiy bayanat élan qilinmidi, biraq bu heqte axirqi qararning bahar aylirining axirida chiqirilishining pilan qilinghanliqi bildürüldi.
