yéngi zélandiyede jamelerning bixeterliki üchün tedbir qollinilidu

türkiye awazi radiyosi xewiri: yéngi zélandiye islam  jemiyetliri fédératsiyesining bashliqi mustafa faruq, ramizan éyida jamaetning xatirjem taet - ibadet qilishi üchün jamelerde birqatar tedbirlerning élinidighanliqini, bu tedbirler dairiside ammiwi iptar pirogrammilirining bikar qilinghanliqini, bu heqte saqchi terepmu yardem qilidighanliqini eskertish bilen bir waqitta, jamelerde oxshimighan dinlargha étiqad qilidighan yéngi zélandiyelilerge islam dinini tebligh qilish paaliyetlirining iyun éyigha kéchiktürülgenlikini qeyt qildi.

u yene, texminen 10 jamede mushu heptining axirliri ötküzülüshi pilanlanghan paaliyetlernimu bikar qilishqa mejbur bolghanliqlirinimu sözlirige ilawe qildi.

yéngi zélandiyening chörschuch shehiridiki nur we linwod jamelirige 15 – mart küni qilinghan térrorluq hujumlirida, ayallar we balilinimu öz ichige alghan 50 kishi hayatidin ayrilghan, 50 kishi yarilanghanidi.