hindonéziyede yüz bergen su apiti éghir talapet yetküzdi
hindonéziyening gherbiy jawa ölkiside mushu heptining bashlirida yüz bergen su apitide 24 ming 813 kishi talapetke uchridi.
türkiye awazi radiyosi xewiri: hindonéziye jiddiy ehwallargha taqabil turush qomandanliq merkizining bayanatchisi sutopo purwo nugroho, su apitide éghir talapetke uchrighan jawa ölkisige qarashliq bandung shehiri we etrapidiki rayonlardin 700 kishining bixeter jaylargha orunlashturulghanliqini, pütkül apet rayonida 24 ming 813 kishining talapetke, 8 ming 271 qurulushning ziyangha uchrighanliqini eskertish bilen bir waqitta, 22 – aprélghiche jiddiy halet élan qilinghan rayonda, apetke uchrighanlargha yardem bérish paaliyetlirining dawamlishiwatqanliqini tekitlidi.
hindonéziyening papua ölkiside aldinqi ayda yüz bergen su apitide 100 din artuq kishi qaza qilghanidi.
igilinishiche, tiropik belwagh iqlimigha kiridighan we pesillik yamghur miqdari köp bolghan hindonéziyede yilboyi su we yer köchüsh apetliri yüz bérip turidiken.
