xuen guaydoning qanuniy salahiyiti bikar qilindi
wénézuélada özini muweqqet pirézidént élan qilghan xuen guaydoning qanuniy salahiyiti bikar qilindi.
türkiye awazi radiyosi xewiri: wénézuélada özini muweqqet pirézidént élan qilghan mejlis bashliqi xuen guaydoning alahide hoquqluq salahiyiti bikar qilindi.
amérika bolup nurghun gherb döletliri we latin amérika döletlirining yardimige ériship maduro hökümitini aghdurushqa urunup kéliwatqan xuen guaydo, qanuniy jehettin tekshürülmekte.
wénézuéladiki eng aliy qanun tüzüsh orgini, edliye mehkimisi bashliqi maykél morénoning mejlis bashliqi xuen guaydoning alahide hoquqluq salahiyitini bikar qilish telipi üstide muzakire qilish meqsitide jiddiy yighin chaqirdi.
xuen guaydo chet elge chiqishining cheklinishining eksiche kolombiyege bérishi tüpeyli uning qanuniy salahiyitini bikar qilish telep qilinghanidi.
yighinda bu telep parlamént ezaliri teripidin birdek qobul qilindi.
paytext karakasta 23-yanwarda ötküzülgen yighilishta qesem bérip özini muweqqet pirézidént élan qilghan xuen guaydo, amérikaning wénézuélagha yetküzüp bérish üchün kolombiyege ewetken yardem buyumlirini tapshurup élish meqsitide kolombiyege barghanidi.
kolombiyelik qanunsiz qoralliq teshkilatlar teripidin kontrol qilinghan chégra éghizliridin mexpiy ötkenliki ilgiri sürülgen xuen guaydo, wénézuéla armiyesining yardimi bilen kolombiyege barliqini bildürdi.
kolombiyedin kéyin biraziliye, paragway , argéntina we ékwador qatarliq döletlerni ziyaret qilghan xuen guaydo, 4-martta wénézuélagha saq-salamet qaytip keldi.
